<隨筆：股票投資係咩一回事？>

今天筆者在Facebook見到呢個Post:
https://www.facebook.com/80shing/posts/1549554301753223

所以就隨筆用電話寫下了一些想法 (抱歉這段時間比較忙, 沒有寫Blog..)

投資/股票: 從打工仔成為「老闆」
買股票真係唔係買一張紙、一個number、一個價錢，而係成為一間（數間）企業既小股東。

然後你就會跳出打工仔既角度，站在老闆的角度，睇呢個世界都會闊好多。
打工仔留意既係 福利、人工、假期、工作量、準時出糧、然後物價愈低愈好。

老闆/小股東留意既，係一間企業既business model
賺錢能力: 只有今年賺錢? 定係可以10年、20年、30年都賺錢？
客戶Market Size: 只有少部份人係客戶既奢侈品？ 定係廣大市民都局住要做客戶既必需品？
Competitive Advantage: 有無競爭對手？ 有咩優勢令佢比其他對手成功？
控制成本：人力成本、生產成本？
管理能力：呢間企業管理如何？有無管理不善醜聞？
Etc...

投資/買股票，並唔係將信心放係別人既說話 （eg. 睇中邊隻number, 短期利好消息）；
而係將信心放在該企業上面。

投資就好似自己係老闆，你對一間企業有信心，先會投放錢比佢做生意、做佢股東，當佢賺到錢時你分一杯羹。
投資好似你出錢請員工，你相信佢既工作能力，相信佢可以為你賺錢，係一個好員工，你先會出錢請佢。

農夫孵雞蛋的比喻
投資好似你將十隻雞蛋儲起一隻，讓佢孵化、成為母雞、生更多雞蛋、再孵更多母雞、生更多雞蛋。
除非極緊急情況，你永遠唔會食左隻母雞，只會食佢生出黎既雞蛋，因為你知道母雞是你的生錢工具。（儲蓄，再投資，不消耗本金，只消耗盈利，愈滾愈大）

而唔係一開始就食哂10隻雞蛋，有糧出就有蛋食，無糧出就捱餓（不儲蓄，只花費；愈多蛋，花費愈多）

亦唔係每次儲起一隻蛋，但只儲不孵。
日子久了確實儲了好多蛋，但部份已變壞（金錢因通漲眨值）；所儲既數量亦遠遠不及孵蛋既多（差幾多？ 見將來文章：72法則）
（只儲蓄，不投資；大多數人係此類）
『約翰福音12章24節』 我實實在在的告訴你們，一粒麥子不落在地裡死了，仍舊是一粒，若是死了，就結出許多子粒來。


很多人以為錢多先可以投資，錢少就只儲蓄/以少搏大（短炒、賭博）
完全錯誤，每個月少至1000蚊、強積金已經可以投資。

你願唔願意學習做一個孵蛋既農夫、數間大企業既老闆呢？