股神也推介的「盈富基金」 (2800.HK)

忙了一整天, 終於可以抖啖氣望下個股市...

盈富基金真係好厲害, 已經上到 $27

回望一下筆者由10/2016 開始以平均成本法月供盈富基金,

平均買入價為$23.77, 股價回報率已有13.6%;

計埋收息回報率係 15.67%。

其實股神真係好勁, 

佢多次強調小市民無需要太睇得起自己揀股的眼光, 亦唔需要信基金經紀;

只要無腦地跟大市買入 指數型基金ETF (香港恒生指數的指數型基金就是盈富基金 2800.HK),

已經可以取得可觀回報。

雖然股市有升有跌 (但恒生指數卻是永遠不死)

但拉勻來說指數型基金的年回報仍然平均有 7%

(銀行存款是0.01%, 定期是1%);

7%回報表示每10.3年本金就會Doubled (72法則)

以40年打工仔生涯為例, 退休前你起初的本金有1600%的回報!

哪怕是今天的$50,000, 40年後也大概會變成 $80萬

而有網民、專家實測過, 如果唔單止無腦地月供買入 (年回報約7%),

而係考慮埋恒指市盈率 (P/E)、股息回報率,

在低價 (大市冷淡)時買入、高價時(大市興旺)沽出鎖定利潤 ,

回報甚至可以高達15%!!

(見「止凡」-取之有道: 何需買個股? http://cpleung826.blogspot.hk/2015/08/blog-post_13.html)

你會跟股神買盈富基金嗎?


P.S. 「盈富基金知多一點點」

如官方簡介所言, 盈富基金係一隻股票,  透過買恒生指數旗下的成份藍籌股(成份比例也一樣), 完全複製緊恒生指數, 偏差度為+0.1062%。

盈富基金每手500股, 以每股現價$27.00計算, 買入一手需要 $13,500 (另外手續費、佣金、稅、存倉費)。
股價大概是恒生指數除1,000。
除股價波幅外, 盈富基金每年4月和10月會派息, 總息率約為3% (視買入價而定)

投資策略: 建議以月供為主(會產生碎股), 可以利用恒指的週期性波幅, 以平均成本法降低平均買入價;
較進階的操作技巧為,  考慮恒指市盈率 & 股息率, 在低價時以一手手買入, 在高價時以一手手沽出。

盈富基金就似雜果賓治,  佢既味道(回報率) 可能不及最好食既果一款生果, 絕對好過最差既一款生果。
因為其成份都係大大大大藍籌, 加上恒指會升會跌, 卻永遠不滅, 
而恒市 (大市)係旺定淡、升定跌, 往往星斗市民即使唔留意股市, 從新聞都略知一二。

係很適合所有投資者的股票。股神推介。