意外驚喜: $100萬資產的中銀理財戶口

今天筆者有點驚喜，因意外地收到中銀香港的電話，說可以免費升級至中銀理財戶口，試用期為一年。

一聽到電話，知道唔係騙局後，我急不及待爽快地答應！因為筆者早在一年前已經有留意，亦以「中銀理財」賬戶作為理財上的一個短期目標。

先說一下中銀的中銀理財戶口有何特點 (而且是筆者重視的)：

1) 豁免月費 - 綜合理財總值 > $100萬港幣

2) 有專屬客戶經理提供「財富策劃」及「投資顧問」服務

3) 享有備用抵押透支服務, 即可以抵押股票以換取市值50%的流動資金, 目前息率為 P (即5.00厘)

4) 排隊可以排中理理財櫃位, 省卻排隊時間

5) 可以申請 Visa Infinite 信用卡, 並享用其他尊享服務

要享有以上服務, 前提是資產 > $100萬，但這對筆者而言也不是三五七年的事。
但如今可以免費享用一年，算是非常幸運！（真心想感謝天父）

成為中銀理財客戶，是一個身份的象徵。除左虛榮感，更重要係銀行「開始重視」你呢個客人，所以當有特優貸款或其他優惠時，你會是銀行第一批聯絡的主要客人。
此外，銀行亦會樂意為你提供理財顧問服務，為的就是讓你選擇繼續用中銀的服務，將你的資金放在中銀香港。
（以前「百萬富翁」至少衣食無憂，但現在 $100萬只是入場券... 事實上 $100萬連細價樓的3成首期都比唔到)

其次，係可以挑機...嚴格來說是跟銀行的「專業」投資顧問交流，雖然彼此投資策略未必一致，但理論上應該有所得著。

第三，是可以用股票抵押以換取流動資金，5%的利息雖然遠比按揭利率要高，但對比起很多私人貸款，其利息及年期已經算係咁 (筆者本身係期望銀行可以提供3% 低息貸款)

最後, 就是可以申請 Visa Infinite 信用卡。
當這張信用卡推出時, 筆者已經雙眼發光好想擁有。 (筆者其實係中銀香港的忠實用戶)
其信用卡簽賬得分優惠反而係其次, 吸引我既係張卡本身 (好型!)、以及其身份象徵。

所以，無 $100萬, 卻享用到 $100萬先有的服務 (而且是筆者期待已久), 還不快快感謝天父？

所以，如果你也是中銀客戶，又收到免費升級戶口、試用１年的電話，也不用急於掛線，不妨認真考慮一下、聽下條款！

P.S. 不是賣廣告, 筆者亦無收錢

更多關於中銀理財: http://www.bochk.com/tc/wm/offer.html
更多關於中銀Visa Infinite 信用卡: http://www.boci.com.hk/chi/creditcard/boci_cc_sc_visa_infinite.html