Step 1: 到你所屬銀行, 開啟一個投資戶口 (不論iBond 定股票, 都需要投資戶口)
Step 2: 用以下其中一個形式, 買入股票
a) 一筆過買入
每次交易(買入/賣出)手續費一般為 0.25% (以中銀香港為例) 及最低 100元。
簡單黎講, 你買 $40,000 以上(0.25%剛好100元)，就可以慳盡手續費。
當然，買$40,000 以下都絕對無問題, $100 對於長遠回報黎講唔係咩錢。
關鍵影響因素: 買入價位, 但如果買 中電、港燈等股票作長遠投資 (5年以上), 價位影響唔算大 (因為股票長遠係穩定長升
E.g. 今日 $7.2/股 買港燈, 可能算貴, 今年有試過$6.8/股;
但5年後一定唔止 $7.2/股。
高位買係賺少左, 但唔會蝕錢 -- 只限極穩定既公用股如 中電、港燈)
b) 月供形式買入
每次交易手續費為 0.25% 及最低50元。(以中銀香港為例)
簡單黎講, 係每個月 定額 (E.g. $2,000, $5,000, etc) 買入一隻/多隻股票。 (銀行會自動幫你買, 直至你叫停)
手續費雖然比一筆過買入貴, 但勝在用「平均成本法」 (有興趣再問筆者原理);
優點有二: 1) 長遠黎講平均買入價會比市價低 2) 唔洗考自己買入既眼光 (高價位/低價位 可以無視)
關鍵影響因素: 紀律, 做唔做到持之以恆
Step 3: 買以下其中一隻/多隻 股票 (筆者只推薦幾隻 極安全、又有穩定回報既股票)
中電控股 (0002.HK) 約 4%利息, 而且股價有升值潛力 (平衡型, 進可攻退可守)
港燈電力 (2638.HK) 5-6% 利息, 即$10,000 每年有$5,000 - $6,000利息, 算係好高; 但股價相對地升得慢 (超級防守型)
領展房產 (0823.HK) 約4% 利息, 變相買樓(商場)收租, 樓價升佢就升, 而且同樓價一樣升得好快, 樓價跌佢就跌 (進取型)
以上3隻都可以用一筆過買入 / 月供形式買入
盈富基金 (2800.HK) 約3-4%利息, 等於買恒生指數 (50大藍籌股), 即係跟大市方向走 (股神都推介呢種投資方式)。
股價波幅比以上3隻股票大 (但同其他股票比, 波幅已經算低); 每年股價可能有升、有跌;
但參考過往15年紀錄, 平均每年回報有7%
只建議用月供形式買入
Step 4: 持有方式
永久持有，只買不賣。 即係今日買, 儲到死果日;
除非你好急好急錢用, 就可以隨時放左佢。(只要擺到2-3年以上, 隨時放都唔會蝕錢)
Step 5:Vs. 銀行存款 / 定期存款
銀行存款: 每年只有約 0.01%; 即100蚊 有1仙, $10萬有 $10蚊
定期存款: 每年約 1%, 即100蚊有1蚊, $10萬有$1,000蚊; 但答應左做1年定期就要1年, 唔可以中途取錢
股票: 以港燈為例, 每年接近6%, 即100蚊有6蚊, $10萬有$6,000蚊。 而且可以隨時放左佢取得現金
Step 7: 估算回報 & 年期
72法則 (將來再講)
簡單地說:
股票投資: 6%回報, 72/6 = 12。
即係12年後,本金Doubled. 今日投資5萬, 12年後變10萬, 24年後變20萬, 36年後變40萬, 48年後變80萬。
定期存款: 1%回報, 72/1 = 72。
即係今日定期5萬, 72年後 (死左?) 先變10萬。
銀行存款: 0.01%回報, 72/0.01 = 7200年.....
具體化地說, 假設 A B C 君今年都24歲, 每人手上有5萬蚊運用, 大家都儲到60歲退休為止 (36年時間)
A君選擇投資 $50,000. 36年後佢呢5萬變成 40萬。
B君選擇定期存款 $50,000. 36年後佢呢5萬變左 $71,538 ( $50,000 x (1.01)^36)
C君選擇銀行存款 $50,000. 36年後佢呢5萬變左 $50,180 (36年總共收左$180利息！）
明明A B C君一開始都係得5萬蚊, 明明都係擺36年
但A君最終既資產係B君既5.6倍、係Ｃ君既8倍!
如果係每月投資$5,000 (一年6萬), 咁會有幾大大大大大 既分別呢???
A B C君既故事有無令你諗起聖經中 5千 2千 1千既管家呢?
神很公平, 比佢地每人5萬、36年時間。
而且我地唔係為自己賺錢, 賺完錢唔係去自己享受, 而係預備比神用！
投資愈早愈好
為教會的一班弟兄姊妹而寫。
沒有留言:
發佈留言